Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 13 maj të vitit 1999, në fshatin Korishë të Prizrenit, avionët e NATO-s, gabimisht goditën popullatën civile shqiptare, e cila mbahej e rrethuar nga forcat ushtarake, policore serbe, në pikë qëndrimin e tyre . Natën e 13 majit të vitit 1999, nga bombardimet u vranë 77 civilë shqiptarë, në mesin e tyre fëmijë, gra, burra, pleq e plaka. Ishte familja e gjerë Ahmetaj e këtij fshati ajo e cila me atë rast humbi 41 anëtarë të familjes së saj, pastaj familja Kukaj 12 anëtarë, familja Dakaj 4 anëtarë, familja Xhaferi 3 anëtarë, dhe familja Rexhaj një anëtar, të gjithë nga fshati Korishë i Prizrenit. Në tragjedinë e 13 majit të vitit 1999, pësuan edhe familja Suka nga fshati Bllacë i Therandës, e cila ka humbur gjithsej 7 anëtarë, familja Palushi nga Budakova 3 anëtarë, dhe familja Behluli nga Mushtishti dhe familja Selimi nga Grejkoci i Suharekës kanë humbur nga një anëtarë të familjes.
