Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbi një qind qytetarë të lindur në Komunën e Deçanit kanë hequr dorë nga shtetësia e Kosovës, vetëm brenda vitit 2018, bëjnë të ditur zyrtarë të Administratës Komunale. Shefja e Gjendjes Civile në Komunën e Deçanit, Hate Shehu, ka thënë se është shqetësuese heqja dorë e mërgimtarëve deçanas nga shtetësia e Kosovës, “Gjatë vitit të kaluar 108 qytetarë të kësaj komune që jetojnë jashtë janë liruar nga shtetësia, pasi shtetet si Zvicra, Gjermani, Austria, Italia, Suedia,… nuk lejojnë dyshtetësi dhe qytetarët detyrohen të kërkojnë lirimin nga shtetësia e Kosovës”, ka thënë Shehu. Ajo ka theksuar se gjatë vitit të kaluar ka pasur mjaft punë me kërkesat e shumta të qytetarëve të kësaj komune për të nxjerrë dokumente të ndryshme personale. Sipas të dhënave nga Zyra e Gjendjes Civile në këtë komunë, Administrata komunale në Deçan, gjatë vitit 2018 ka lëshuar 51 mijë e 610 dokumente të ndryshme.
