Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për deputet i PDK-së, Abelard Tahiri, ka folur për takimet që ka pasur me banorët e lagjeve të ndryshme në Prishtinë. Ai ka thënë se Dardania, Kolovica dhe Aktashi janë pjesë e fitores së radhës së PDK-së dhe vizionit të kryeministrit në ardhje Kadri Veseli. “PDK-ja sot, tërësinë e çështjeve të politikës e sheh përmes tërësisë së çështjeve të individit. Prandaj të ardhmen po e ndërtojmë e do ta ndërtojmë jo vetëm për shtetin dhe shoqërinë si tërësi, por për gjithsecilin si individ. Ky mesazh po ndjehet fuqishëm në secilën pjesë të Kosovës, qytet, lagje e shtëpi e veçmas në Prishtinë. Dje Dardania, Kolovica dhe Aktashi ishin pjesë e këtij mesazhi, pjesë e fitores së radhës së PDK-së dhe vizionit të kryeministrit në ardhje z. Kadri Veseli. Bashkërisht po e ndërtojmë të ardhmen, për shtetin dhe gjithsecilin, kudo në Kosovë, e më fuqishëm se kurrë, në kryeqytetin tonë, Prishtinën”, ka shkruar Tahiri.
