Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në fushatën e egër kundër luftës së UÇK-së, e cila po merr përmasa linçimi dhe thirrje për hakmarrje të kolaboracionistëve shqipfolës, përveç klaneve mafioze të nëntokës me serbë e shqipfolës, e kanë orkestruar fushatën sidomos TV-Dukagjini, i cili po pretendon të bëhet para-filiale e hetimeve të Gjykatës Speciale, pastaj portalet që financohen nga bosët e krimeve si insajder-kosovo, expres Kosovo, inex-kosovo, T7 dhe disa copy paste medie e portale që i marrin të gatshme lajmet e komentet e këtyre portaleve e medieve dhe i plasojnë për të mbushur faqet e tyre të zeza të postimeve.
Pikërisht në kohën kur këto medie po i fryjnë sa po mundën zjarrit të tyre kundër UÇK-së u vra mizorisht e prapa shpine, krejt afër shtëpisë së tij, njëri ndër luftëtarët e radhëve të para të UÇK-së, Qerim Kelmendi, pjesëtar i një familjeje që ka luftuar regjimin serb e malazez nëpër breza e nëpër shekuj.
Jo rastësisht dora e zezë e krimeve pas shpine dhe pas mesnatës kishte zgjedhur të hakmerrej për luftëtarin e aksioneve të para të UÇK-së, në Kosovë, kur sulmet e tyre politika pacifiste i mbulonte duke i etiketuar se “Dorë e zgjatur e Serbisë”.
Jo rastësisht u dogj trupi i tij. Ky akt mizor tregon se sa e thellë është urrejtja e disa qarqeve kundër UÇK-së, e cila po shprehet në të njëjtin nivel me krimet e Serbisë së Milosheviqit, me dallim vetëm në faktin se Serbia vriste hapur gjatë ditës dhe nuk kishte nevojë të fshihej e të vriste gjatë natës.
Ushtria serbe gjatë natës bombardonte bazat e UÇK-s dhe popullatën civile, gjatë ditës masakronte shqiptarë në sy të tërë botës. Tani Serbia nuk e ka më atë favor, por këtë e bën gjatë natës, pikërisht dora e zgjatur e Serbisë, përmes kumbarëve të vetë të dikurshëm e të sotëm, përmes “pobratimve gjakpërzier”, përmes veglave qorre, përmes pjellës së vet, që e ka lënë dhe po e rrit në Kosovë.
Kjo vrasje e cila po dënohet në mënyrë selektive, jo unanimisht dhe në të shumtën e rasteve vetëm verbalisht e sa për sy e faqe, tregon edhe anën tjetër të medaljes, e cila me kohë është mbjellë në Kosovë dhe tani ka dhënë edhe prodhimin e parë.
Mjerisht dhe për fatin tonë të keq, kjo farë ka filluar të mbillet e të kultivohet qysh me pushtimin e këtyre trojeve nga Serbia. Dhe tani pjesëtarët e kësaj pjelle nuk janë më zëra të heshtur e të shushatur sikur ishin pas luftës, por janë zëra të ngritur peshë, zëra të çoroditur që e shfryjnë gëzimin deri në qiell me moton: “Iku Epopeja e UÇK-së, tani po vjen epopeja e Gjykatës Speciale”. Është kjo pjellë që dikur ishte strukur nga frika, por tani shprehet gjithnjë e më hapur me gjuhën më të ndragur e më të pistë kundër gjakut të derdhur për liri.
Dhe kjo po ndodh edhe për faktin se shumë syresh janë trimëruar me koalicionin e ri qeveritar, i pari koalicion i pas luftës pa parti të dala nga lufta e UÇK-së. Përbërje e re qeveritare po lavdërohet edhe nga Serbia sidomos për faktin se Vuçiqi, Daçiqi, e kompania e tyre nuk do të detyrohen të shtrëngojnë duart e komandantëve të UÇK-së, por duart e tyre të pastruara nga regjimi i Milosheviqit do t’ i shtrëngojnë me duart e “papërlyera”, pacifiste e të moderuara të përfaqësuesve të institucioneve të Kosovës.
Edhe ky fakt i ka trimëruar forcat e territ.
Po kështu i ka trimëruar edhe fakti se shoqatat e dala nga lufta po e bëjnë gjumin dimëror dhe moti kanë lënë anash atë veprimin me protesta e demonstrata, prej kur u bënë veteranë me pagesë. Ata janë shtrirë gjerë e gjatë në qilimin që u ka shtuar qeveria dhe emitojnë komandantë e tyre me deklarata verbale krejtësisht politike.
Në fakt tjetër që i ka trimëruar këto forca, të cilat nuk do të ndalen me aksionin e suksesshëm kundër Qerim Kelmendit, por do ta vazhdojnë luftën e tyre pas mesnatës, 10 vetë kundër një luftëtari të lirisë, është edhe përçarja “pikë e pesë” e komandantëve të luftës, të cilët janë barrikaduar secili në “feudin” e vet dhe gëzojnë në mënyrën e vet, jo vetëm frytet e fitoreve por edhe kapitalin që u ka lënë “trashëgim” fitorja e madhe, kthesa e madhe e famëmadhes UÇK, të cilën disa syresh e kanë shfrytëzuar dhe po e shfrytëzojnë me mjeshtëri.
Përsëritja e gënjeshtrave për krimet e luftës dhe të pas luftës që i ka kryer në Kosovë UÇK-ja nga disa medie që i financon mafia politike, anashkalimi dhe mos prania në këto medie e krimeve e masakrave që i ka kryer Serbia, pastaj miratimi i Gjykatës Speciale, raciste, fashiste e inkuizicionale nga ish-klasa politike e institucionale e vendit me disa përjashtime, paragjykimi dhe demonizmi paraprak i UÇK-së pa u shpallur fajtor as edhe një luftëtari i lirisë nga kjo Gjykatë, madje pa ngritur asnjë aktakuzë, krejt kjo ka krijuar një klimë të volitshme për ndjekjen tani edhe likuidimin e luftëtarëve të lirisë.
Rënia në pritën e rojeve të errësirës e luftëtarit të përkushtuar, invalidit e veteranit, Qerim Kelmendi edhe nëse nuk zbardhet, sot është zbardhur se kush po ngushëllohet me dinjitet e njerëzi dhe kush por rezervohet të shpreh qoftë edhe një fjalë formale ngushëllimi.
Kryetari i Kosovës, Hashim Thaçi ende nuk ka shpallur ditë zie sikur shpall për policët e vrarë, por as komuna e Pejës deri tani nuk ka marrë vendim për shpalljen e një dite zie për luftëtarin dhe eprorin e UÇK-së, Qerim Kelmendi, invalid e veteran i luftës, pjesëtar i një familjeje me tradita atdhetare nga brezi në Brez.
Për vrasjen e Qerim Kelmendit kanë shprehur ngushëllime një pjesë e përfaqësuesve të institucioneve të vendit, kryetari Hashim Thaçi, kryeministri, Albin Kurti, kryetari i AAK-së, Ramush Haradinaj, kryetari i Nismës, Fatmir Limaj, kryetari i PDK-së, Kadri Veseli liderë partish, kryetarë komunash, OVL-UÇK-ja dhe bashkëluftëtarë të Qerim Kelmendit, duke e cilësuar këtë vrasje mizore e barbare, sepse vetëm barbarët djegin trupat e viktimave. Për vrasjen e ish-ushtarit të UÇK-së, Qerim Kelmendi ka reaguar edhe ish UÇPMB-ja dhe Ushtria Çlirimtare Kombëtare, veteranët e UÇK-së në Shqipëri, në krye me eprorin e lartë kolonel, Dilaver Goxhaj, motra e vëllezërve Haklaj të Tropojës, Zylfije Haklaj, por nuk ka reaguar LDK-ja, as kryekuvendarja Osmani, as Lista Serbe, madje as tropojani “trim”, Salih Berisha.
