Kryeministri në detyrë i Qeverisës së Republikës së Kosovës, Albin Kurti, së bashku me ministrat Arben Vitia dhe Emilija Rexhepi, sot kanë vizituar komunën e Malishevës, ku janë pritur nga kryetari Ragip Begaj, drejtori i Shëndetësisë, Liridon Hoti dhe zëvendës-komandanti i Stacionit Policor në Malishevë, Zenel Halitaj. Ministri i Ministrisë së Shëndetësisë, Arben Vitia, tha se në javët e para kanë pasur probleme me furnizime, por tani janë stabilizuar dhe Malishevës nuk do t’i mungojë asgjë sa iu përket furnizimeve me mjete mbrojtëse për sektorin e shëndetësisë. Ai bëri thirrje dhe lutje për qytetarët në tërë vendin, që t’i zbatojnë këshillat për kujdes, pasi kjo është arma e vetme e luftimit të COVID-19. “Virusi është i paparashikueshëm, prandaj kujdesi dhe mbajtja e distancës është e vetmja mënyrë për ta luftuar”, tha Vitia.
Kontrolloni gjithashtu
Gerald Knaus: Gjermania e Franca do ta bllokojnë anëtarësimin e Kosovës në Këshillin e Evropës për shkak të Asociacionit
Gjermania dhe Franca janë dy prej shteteve që po përgatiten të bllokojnë anëtarësimin e Kosovës …