Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shenjë hakmarrje kundër NATO-s, që në ditët e para të bombardimeve, ushtria dhe policia serbe, 17 vjet më parë kishte goditur frontalisht popullatën civile shqiptare. Vetëm në fshatrat: Krushë e Madhe, Fortesë, Brestoc e Celinë kishin vrarë e masakruar rreth 400 shqiptarë, gjinish e moshash të ndryshme, në mesin e tyre edhe fëmijë të mitur, gra e burra të moshuar. Banorët e fshatit Krushë e Madhe gjatë këtyre tri ditëve ( 25, 26 dhe 27 mars) përkujtojnë 243 të vrarët dhe të masakruarit nga forcat serbe. Masakra e Krushës së Madhe është njëra nga masakrat më të çmeritura, të cilët serbët kanë kryer kundër shqiptarëve në Kosovë gjatë kohës së luftës. Për dhunë e barbari të tillë janë të njohura edhe masarat në Meje të Gjakovës, në Therandë, Reçak, në shumë fshatra të Drenicës dhe mbarë Kosovës.
