Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Odat ekonomike që veprojnë në vendin tonë kanë kërkuar nga Kuvendi i Kosovës që sa më parë ta shqyrtoj dhe miratoj ligjin për rimëkëmbje ekonomike. Përfaqësues të këtyre odave kanë thënë se do të ishte turp i madh që deputetët të shkojnë në pushim veror pa e përfunduar në tërësi këtë projektligj. Kryetari i bordit të Odës së Afarizmit të Kosovës(OAK), Skënder Krasniqi ka thënë për KosovaPress, se fatkeqësia më e madhe është që institucionet e vendit nuk kanë reaguar për pasojat e shkaktuara nga pandemia te bizneset, ashtu siç reaguan shumica e vendeve të tjera. Edhe drejtori i Odës Ekonomike Amerikane, Arian Zeka ka thënë për KosovaPress, se institucionet e Kosovës janë vonuar tej mase në aprovimin e pakove të përkrahjes për ndërmarrjet edhe për punonjësit e goditur nga Covid-19. Edhe kryetari i Odës Ekonomike të Kosovës, Berat Rukiqi ka deklaruar se shumë biznese janë detyruar të largohen nga tregu për shkak të pasojave të mëdha që janë shkaktuar nga Covid-19. Ai ka kërkuar nga Kuvendi që sa më parë ta shqyrton projektligjin e pakos për rimëkëmbje ekonomike.
