Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata Botërore e Shëndetësisë ka paralajmëruar se viti i dytë i pandemisë do të jetë më vdekjeprurës se i pari. Lajmin e bëri të ditur drejtuesi i përgjithshëm i kësaj agjencie Adhanom Ghebreyesus, ndërsa shqetësimi kryesor është India. Po ashtu, OBSH u bëri thirrje vendeve të pasura të premten që të rimendojnë planet për të vaksinuar fëmijët, raporton The Guardian. Në vend të kësaj, Ghebreyesus këshilloi që ato vaksina t’i dhurohen mekanizmit COVAX për t’u ardhur në ndihmë vendeve të varfra ose me të ardhura të mesme. Që nga fillimi i pandemisë e deri më tani, e kanë humbur jetën si pasojë e Covid-19 të paktën 3.3 milionë persona. Prej tyre, 598,541 janë regjistruar në SHBA, 262,350 në Indi dhe 430,596 në Brazil.
