Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Artisti i ri, Imer Gashi, magjistër në Fakultetin e Artit, drejtimi i pikturës ka pikturuar në mënyrë dixhitale, ekspresive dhe me realizëm, portretin e Legjendarit Adem Jashari, në nderim të Festave të Nëntorit, me ç’ rast shënohet dhe ditëlindja e komandantit legjendar, Adem Shaban Jashari, lindur më 28 nëntor të viti 1955.
Artisti, Imer Gashi tregon se ka punuar rreth një javë për realizimin e këtij portreti, i cili është realizuar tërësisht në mënyrë dixhitale, posaçërisht me brusha vaji. Sipas tij, ky portret mund të printohet në format të lartë, pasi që ka densitet të madh të pixelave.
Po ashtu ai ka pikturuar dhe flamurin kombëtar të Shpalljes së Pavarësisë, i punuar njëjt sikur portreti, me ngjyra vaji, në mënyrë dixhitale.
Imer Gashi është magjistër në Fakultetin e Artit, drejtimi i Pikturës.
