Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Malishevës, Ekrem Kastrati, ka pritë katër ekipet e shkollave të Malishevës, që morën pjesë në garat regjionale në futsall në Gjakovë. Kryetari Kastrati, uroi secilën shkollë për rezultatet e arritura në garat regjionale të futsallit si dhe vlerësoi punën profesionale të mësimdhënësve dhe vazhdoi, ”këto suksese të nxënësve tanë janë realiteti më i mirë për punën që po bëni, prandaj ju do ta keni mbështetjen time dhe të qeverisë komunale në çdo punë dhe sukses që arrini”, përfundoi Kastrati. Në garat regjionale, shkollat e Malishevës, janë përfaqësuar me katër ekipe. Në nivelin e shkollave të mesme të larta, ekipi i femrave të gjimnazit ”Hamdi Berisha”, e ka zënë vendin e parë, ndërsa ekipi i meshkujve, e ka zënë vendin e dytë. Ndërsa në nivelin e shkollave të mesme të ulëta, ekipi i femrave i SHFMU ”Visar Krasniqi” nga Drenoci, e ka zënë vendin e parë, kurse ekipi i meshkujve i SHFMU ”Labinot Krasniqi” nga Mirusha, e ka zënë vendin e dytë në nivel të regjionit.
