Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqipëria po e përshpejton modernizimin e ushtrisë në një kohë kur lufta në Ukrainë dhe sulmet e fundit kibernetike, kanë shtuar shqetësimet për sigurinë kombëtare dhe rajonale. Ministri i Mbrojtjes, Niko Peleshi ka shpalosur disa nga arritjet në vitin që e lëmë pas, por edhe objektivat për vitin 2023 në fushën e mbrojtjes territoriale dhe civile. I shoqëruar edhe nga shefi i Shtabit të Përgjithshëm të Forcave të Armatosura gjeneral brigade Arben Kingji e drejtori i Përgjithshëm Agjencisë së Mbrojtjes Civile, Haki Çako, Ministri Peleshi u shpreh se pas marrëveshjes për pajisjen me dronët Bayraktar, Forcat e Armatosura do të pajisen edhe me sistem raketor antitank “Xhavelin” dhe sistem kundërajror “Stinger”. Me tej ministrit Peleshi tha se në 2022 nisi puna për ndërtimin e Bazës Taktike ajrore të NATO në Kuçovë. Ministri theksoi se kjo është e para bazë ajrore e NATO dhe jo pa qëllim është zgjedhur Shqipëria. Shqipëria ka pozicion strategjik në Ballkanin Perëndimor, por është edhe vend aleat i NATO, i sigurt, i qartë në orientimin e vet edhe ka një rol të rëndësishëm për të luajtur edhe në vendet ku jetojnë shqiptarët, si në Kosovë, në Maqedoninë e Veriut, por edhe vende të tjera”, tha Ministri i Mbrojtjes së Shqipërisë, Niko Peleshi.
