Agjencia Kadastrale e Kosovës, për të herë të parë organizon një takim në format të tillë, duke mbledhur kryetarët e komunave të Kosovës

Agjencia Kadastrale e Kosovës, për të herë të parë organizon një takim në format të tillë, duke mbledhur kryetarët e komunave të Kosovës, dhe akterë të tjerë më rëndësi, për të diskutuar zhvillimet e fundit, planet dhe objektivat në fushën e Kadastrit, Pronës dhe Infrastrukturës Kombëtare të Informacionit Hapësinor në Republikën e Kosovës.

Bashkëpunimi dhe koordinimi ndërinstitucional, e në veçanti bashkëpunimi me Zyrat Kadastrale Komunale në regjistrimin dhe mirëmbajtjen e të dhënave kadastrale, është i një rëndësie të veçantë. Në takim do të prezantohen reformat ligjore, dhe hulumtime të rëndësishme mbi kënaqshmërinë e qytetarëve me shërbimet publike kadastrale.