Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Lëvizjes Vetëvendosje, Frashër Krasniqi iu ka kundërpërgjigjur zëdhënësit të Qeverisë së Kosovës, Arban Abrashit, duke i thënë se qeveria qyqare fshihet pas ndërkombëtarëve. Ai ka pyetur se pse nuk po shfrytëzohen ndërkombëtarët për ta formuar Ushtrinë e Kosovës dhe për ta shtrirë sovranitetin që po cenohet në të katër anët nga strukturat e Serbisë. Krasniqi ka shkruar në profilin e vet në “Facebook” se Qeveria po përdorë ndërkombëtarët për të shtypë opozitën, e me fal territore. A ka Arban Abrashi, dhe Qeveria në emër të së cilës flet, ndonjëherë në jetën e tyre, ndonjë argument më valid, se sa “ndërkombëtarët po thonë kështu”. Vetëm një qeveri qyqare, që kurrë nuk ka vepruar si qeveri sovrane, përgjegjëse dhe e vendosur, fshihet vazhdimisht prapa “ndërkombëtarëve”. E tash, nëse veç po flasim për ndërkombëtarët dhe Amerikën, a e din Arban Abrashi dhe Qeveria e Kosovës, që Amerika që i ka 9.4 milion km2 territor, tash e 100 vite shtyhet me Meksikën për VETËM 2.4 km2 territor. Kurse Qeveria jonë e mjerë, e Kosovës që i ka vetëm rreth 11mijë km2, ia fal mbi 8000 hektarë Malit të Zi dhe madje s’len gjë pa bërë për ta implementuar këtë marrëveshje.
