Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Hapja e Urës mbi Lumin e Ibrit është temë e kahershme, por jo e lehtë për ta marrë përsipër Qeveria, pa pëlqim me ndërkombëtarët. Kjo nismë përkrahet nga pozita dhe opozita në vend, por Lista serbe në veri e kundërshton me forcë, meqë e konsideron kufirin e ardhshëm të Serbisë me Kosovën. Hapjen e urës së Ibrit e mirëpret edhe nga Aleanca për Ardhmërinë e Kosovës, por thekson nevojën e koordinimit me aleatët. Ura do ta bashkonte Mitrovicën e Jugut të banuar me shqiptarë dhe Mitrovicën e Veriut, të banuar me serbë. Shefi i Grupit Parlamentar të AAK-së, Besnik Tahiri, duke folur për këtë temë ngreh dyshime se ky veprim po bëhet për agjenda elektorale. Pavarësisht kësaj, Tahiri kërkon koordinim me Shtetet e Bashkuara të Amerikës për hapjen e urës, në mënyrë, siç thotë mos të ketë kthim prapa të këtij vendimi.
