Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me urdhër të Prokurorisë Speciale të Kosovës, është zhvilluar një aksion në Ministrinë e Mjedisit, Planifikimit Hapësinor dhe Infrastrukturës, pas hetimeve disamujore. Policia e Kosovës arrestoi një person të dyshuar , Izedin Bytyqi, ndërsa një tjetër i dyshuar, Naser Hafizi, nuk u gjet në vendbanimin e tij. Gjatë bastisjes, hetuesit konfiskuan armë, fishekë, dokumente dhe pajisje teknologjike. U sekuestrua një revole MAUSER-WERKR me fishekë, 34 fletë dokumente, tre telefona, 17 USB, tre laptopë, katër shtëpiza kompjuteri dhe dokumente të rëndësishme për hetimin. Gjithashtu, u lëshua urdhër ndalimi për 6 banesa në Prishtinë dhe Fushë Kosovë. I dyshuari Izedin Bytyqi është dërguar në mbajtje për 48 orë, ndërsa hetimet vazhdojnë për identifikimin e personave të tjerë të përfshirë në këtë aktivitet kriminal.
