Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeshefi i Korporatës Energjetike të Kosovës, Nagip Krasniqi, është paraqitur në Gjykatë lidhur me aktakuzën që i është ngritur në fund të vitit të kaluar. Ai i bashkë me dy të pandehur të tjerë akuzohen nga Prokuroria Speciale se i kanë shkaktuar dëm buxhetit të shtetit në vlerë prej 37 milionë euro. Aktakuza ndaj Krasniqit, Ymer Dragushës dhe Isuf Zejnës, është ngritur më 31 dhjetor 2024, për veprat penale, “Keqpërdorim i detyrës apo autoritetit zyrtar, zbulimi i fshehtësisë zyrtare dhe ndihmë në keqpërdorim të detyrës dhe autoritet zyrtar”. Sipas aktakuzës ai në cilësinë e kryeshefit të KEK-ut, Dragusha në cilësinë e ushtruesit të detyrës së drejtorit të zyrës së prokurimit dhe Zejna, si përfaqësues i një kompanie avokatie , akuzohen se i kanë shkaktuar dëm buxhetit të shtetit rreth 37 milionë euro. Pika e parë e dispozitivit të aktakuzës ngarkon Krasniqin se në periudhën kohore prej 17 janarit 2022 deri më 27 janar 2023, duke keqpërdorur detyrën dhe autoritetin zyrtar, kanë tejkaluar kompetencat e tyre me qëllim që t’i mundësojnë përfitim personit tjetër- në këtë rast operatorit ekonomik “Litwin’’, t’ua shkelin të drejtat e personave tjerë, si dhe t’i shkaktojnë dëm buxhetit të Kosovës.
