Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova renditet e parafundit në rajon sa i përket nivelit të demokracisë, sipas raportit të fundit të organizatës ndërkombëtare Freedom House. Në këtë raport, Kosova është cilësuar si “Regjim Hibrid ose Tranzicional”, duke marrë një vlerësim prej 38% në përqindjen e demokracisë dhe një vlerë totale të demokracisë prej 3.29. Më keq se Kosova është vetëm Bosnje-Hercegovina, e cila ka marrë vlerësimin 36%. Ndërkohë, shtetet tjera të rajonit si Shqipëria, Serbia, Maqedonia e Veriut dhe Mali i Zi janë vlerësuar dukshëm më mirë se Kosova. Përkundër këtyre rezultateve, Qeveria e Kosovës shpesh e ka marrë raportin e Freedom House si referencë për sukseset e saj. Kryeministri Albin Kurti e ka përmendur disa herë këtë raport si dëshmi të përparimit demokratik në vend, ndërsa zëvendësi i tij, Besnik Bislimi, ka pohuar se Kosova është “e vetmja demokraci në rajon”.
