Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidentja e Republikës së Kosovës, Vjosa Osmani, priti sot në takim Shefin e Zyrës së Bashkimit Evropian në Kosovë, Aivo Orav, ku diskutuan për situatën aktuale politike në vend dhe zhvillimet më të fundit. Gjatë takimit, presidentja Osmani e informoi ambasadorin Orav për mbajtjen e një takimi konsultativ me liderët e partive politike, të cilin e ka planifikuar për të enjten e ardhshme. Në bisedë, u diskutua gjithashtu për vizitat e rëndësishme të drejtuesve të lartë të Bashkimit Evropian në Kosovë, përfshirë vizitën e sotme të kryesuesit të Këshillit të BE-së, Antonio Costa. Kjo vizitë u vlerësua si një sinjal i fuqishëm i mbështetjes së BE-së për integrimin evropian të Kosovës, duke theksuar angazhimin e vazhdueshëm të Bashkimit Evropian për perspektivën e Kosovës në BE.
