Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri në detyrë i Mbrojtjes, Ejup Maqedonci, ka paralajmëruar për një situatë të rrezikshme sigurie, duke deklaruar se Serbia ka vendosur rreth 70% të kapaciteteve të saj ushtarake në jug të vendit, afër kufirit me Kosovën. Ai tha se përveç kësaj, janë aktive edhe 48 baza të përparme serbe, të cilat Kosova i sheh si kërcënim të drejtpërdrejtë. Kjo prezencë e madhe ushtarake përbën një kërcënim të qartë për sigurinë dhe stabilitetin e Kosovës, veçanërisht duke pasur parasysh mbështetjen që Serbia, sipas tij, i jep grupeve kriminale si ai i Radoiçiq. “Ka një qasje të qartë agresive nga Serbia ndaj Kosovës,” tha Maqedonci, duke shtuar se veprimet e tilla mund të destabilizojnë rajonin në çdo moment.
