Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në dritën e lajmeve për emërimin e mbi 70 asistentëve personalë nga deputetët e Kuvendit të Kosovës, ndonëse ende pa u konstituuar institucioni, ka reaguar deputetja e Partisë Demokratike të Kosovës, Blerta Deliu. Ajo ka theksuar një fakt që ajo e cilëson si tejet shqetësues dhe kundërligjor. Ajo tha se pavarësisht se Albin Kurti ka dhënë dorëheqje nga pozita e kryeministrit dhe është betuar si deputet më 9 shkurt, ai vazhdon të qëndrojë në zyrën e kryeministrit dhe të operojë me një numër të madh asistentësh. “Meqë po flasim për asistentët, besoni ose jo, deputeti Albin Kurti, prej që është betuar, i ka 109 asistentë, kundërligjshëm, në Qeverinë që e ka uzurpuar që nga 9 shkurti!”, deklaroi Deliu. Ajo akuzoi Kurtin se po abuzon me postin dhe me burimet shtetërore, duke mos pranuar realitetin institucional të dorëheqjes së tij. Sipas Deliut, qëndrimi i Kurtit në zyrën e kryeministrit dhe vonesa në dorëzimin real të detyrës përbën uzurpim të pushtetit dhe shkelje të parimeve demokratike.
