Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-nënkryetari i Kuvendit të Kosovës, Xhavit Haliti, ka komentuar kërkesën e kreut të Nismës, Fatmir Limaj, për postin e Kryetarit të Kuvendit, duke e quajtur të pajustifikueshme një pretendim të tillë për një subjekt që ka vetëm tre deputetë në Kuvendin e Kosovës. Edhe pse e konsideron Limajn mik dhe një bashkëpunëtor të hershëm në Partinë Demokratike të Kosovës, Haliti theksoi se një formësim i tillë institucional nuk do të kishte logjikë politike e as përfaqësim të drejtë. “Nuk e besoj që Vetëvendosje është e gatshme t’ia japë postin e Kryetarit të Kuvendit. Mund të ofrojnë dy-tri ministri, por jo drejtimin e legjislativit. Unë vetë nuk do ta pranoja një skenar të tillë, pavarësisht kush do të ishte me tre deputetë,” deklaroi Haliti. Sipas tij, edhe nëse Limaj do të ishte një figurë e pavarur dhe më unifikuese, kërkesa e tij nuk do të kishte bazë të fortë në rrethanat aktuale. Ai theksoi se posti i kryeparlamentarit kërkon një përfaqësim më të gjerë dhe peshë më të madhe politike.
