Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Daut Haradinaj, ka komentuar krizën e thellë politike në vend, duke theksuar se liderët e dy partive më të mëdha tashmë kanë pranuar hapur mungesën e numrave për formimin e një qeverie të re. Në një deklaratë për media pas dështimit të 31-të për konstituimin e Kuvendit, Haradinaj u shpreh se situata mbetet e paqartë dhe se nuk dihet cila do të jetë rruga drejt zgjidhjes. “Iniciativa për zhbllokim të situatës duhet vlerësuar, por liderët e dy partive më të mëdha vetë kanë pranuar se nuk i kanë numrat. Nëse kjo është e vërtetë, nuk e di cila mund të jetë zgjidhja,” tha ai. Haradinaj shtoi gjithashtu se përgjegjësia kryesore bie mbi partinë që ka dalë e para në zgjedhje. “Megjithëse kisha thënë që duhet të reflektojë partia e parë,” përfundoi ai. Kriza politike ka hyrë në muajin e tretë, me mungesë konsensusi për zgjedhjen e kryetarit të Kuvendit dhe formimin e qeverisë, ndërkohë që partitë politike po shkëmbejnë propozime për zgjidhje, përfshirë edhe idenë për një qeveri uniteti.
