Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Lumir Abdixhiku, ka zyrtarizuar kandidaturën e Sokol Halitit për një mandat të katërt si kryetar i komunës së Vitisë. Gjatë një takimi me strukturat e degës së LDK-së në këtë komunë, Abdixhiku vlerësoi lart punën e Halitit, të cilin e përshkroi si një udhëheqës të qetë, të përkushtuar dhe të ndershëm që ka fituar respektin e qytetarëve jo përmes fjalëve të mëdha, por përmes veprës. Ai tha se Haliti ka arritur të realizojë projekte konkrete dhe të ndërtojë një administratë që shërben qytetarët me përkushtim e profesionalizëm. Sipas kreut të LDK-së, në tri mandatet e tij Haliti ka sjellë zhvillim të qëndrueshëm në Viti, duke ndërtuar infrastrukturë, përmirësuar arsimin e shëndetësinë, përkrahur bujqësinë dhe rininë, si dhe trajtuar me dinjitet të gjitha shtresat e shoqërisë. Abdixhiku tha se Sokol Haliti dhe LDK-ja do të vazhdojnë bashkë rrugën për zhvillimin e Vitisë, duke shprehur bindjen se qytetarët do t’i japin sërish mbështetjen e tyre në zgjedhjet e ardhshme lokale.
