Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik Dardan Sejdiu dha një qëndrim kritik ndaj Lëvizjes Vetëvendosje dhe liderit të saj, Albin Kurti. Ai u shpreh i bindur se Kurti nuk është i interesuar për formimin e institucioneve pas fitores në zgjedhjet e 9 shkurtit. “Jam thellësisht i bindur që Albin Kurti nuk ka asnjë interes për ta themeluar ndonjë institucion në këtë Republikë”, deklaroi Sejdiu, duke akuzuar Vetëvendosjen për përgjegjësi në vazhdimin e bllokadës institucionale. Ndërkohë, dërgimi i kërkesës së re në Gjykatën Kushtetuese nga Presidentja Osmani synon të sqarojë më tej interpretimin e aktgjykimit të fundit, i cili vendos afatin 30-ditor për konstituimin e institucioneve, por nuk përcakton qartë pasojat në rast të mosrespektimit të këtij afati. Kriza politike në Kosovë po thellohet për shkak të mungesës së konsensusit institucional, me përplasje të ashpra mes subjekteve politike dhe pamundësisë për formim të qeverisë dhe zgjedhje të kryesisë së Kuvendit.
