Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Richard Grenell, i dërguari i posaçëm i ish-presidentit amerikan Donald Trump për dialogun Kosovë–Serbi, ka reaguar sërish lidhur me ndalimin e ish-presidentit të Kosovës, Hashim Thaçi.
Në një postim në platformën “X” (ish-Twitter), Grenell rikujtoi se ishte prokurori Jack Smith ai që lëshoi urdhrin për arrestimin e Thaçit në vitin 2020 – kohë kur administrata Trump po përpiqej të finalizonte një marrëveshje historike ndërmjet Kosovës dhe Serbisë.
“Jack Smith (po, ai) e arrestoi Hashim Thaçin në vitin 2020, në kohën kur Donald Trump ishte duke punuar për marrëveshjen Kosovë–Serbi. Është e turpshme që ai ende mbahet në burg. Është një mashtrim. Haga është e rrënuar”, ka shkruar Grenell.
Deklarata e tij vjen në një kohë kur procesi ndaj ish-krerëve të UÇK-së po vazhdon në Dhomat e Specializuara në Hagë, mes kritikash në rritje për zvarritje dhe mungesë transparence.
