Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizata e Veteranëve të Luftës së Ushtrisë Çlirimtare të Kosovës ka njoftuar se më 7 gusht do të organizojë një protestë paqësore në kundërshtim me veprimet e Gjykatës Speciale në Hagë.
Ky paralajmërim u bë publik gjatë një konference për media të mbajtur të hënën, ku drejtues të organizatës shprehën pakënaqësinë e thellë ndaj Dhomave të Specializuara, duke i akuzuar për një qasje të njëanshme dhe përpjekje për të shtrembëruar historinë e luftës çlirimtare të UÇK-së.
Sipas tyre, proceset gjyqësore ndaj ish-krerëve të UÇK-së po zhvillohen në kushte të padrejta dhe me ndërhyrje të papranueshme. “Do të protestojmë kundër shkeljeve që po ndodhin nga Dhomat e Specializuara. Janë dy raste konkrete ku gjykata, përmes përgjimeve dhe përdorimit të njerëzve të caktuar, po tenton të ndikojë në procesin gjyqësor kundër shokëve tanë,” deklaroi kryetari i OVL-UÇK-së, Hysni Gucati.
Organizata theksoi se protesta synon të ngrejë zërin kundër padrejtësive që, sipas tyre, po i bëhen atyre që udhëhoqën rezistencën për lirinë e Kosovës.
