Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Shqiptarët, Arben Taravari, ka zbuluar për herë të parë se ishte paralajmëruar nga kryeministri shqiptar Edi Rama për pasojat e hyrjes në koalicion me Hristjan Mickoskin. Në një intervistë për TeVe1, Taravari tha se takimi me Ramën kishte ndodhur menjëherë pas zgjedhjeve të 8 majit të vitit të kaluar.
“Zoti Rama më tha qartë: ‘Mickoski do t’ju përdorë, do t’ju shfrytëzojë dhe në fund do t’ju flakë si leckë’. Më paralajmëroi se katër parti në një koalicion do ta kishin të vështirë funksionimin dhe se do të mbeteshim të përjashtuar,” u shpreh Taravari për TeVe1
Sipas tij, paralajmërimi i Ramës u realizua: “Filluan të mos na përfillnin fare. Dukeshim keq dhe nuk kishim më asnjë ndikim real në vendimmarrje.”
Koalicioni i përmendur, i njohur si VLEN, ishte krijuar me mbështetjen e kryeministrit të Kosovës, Albin Kurti.
