Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada e Gjermanisë në Kosovë ka reaguar ashpër ndaj akuzave të Vetëvendosjes, përmes Albulena Haxhiut, ndaj gjyqtarit të Gjykatës Kushtetuese, Radomir Llaban, i cilësuar prej saj si “agjent i BIA-s” dhe “rrezik për sigurinë kombëtare”. Sipas Haxhiut, këto pretendime bazohen në informacione të Agjencisë Kosovare për Inteligjencë, pa sqaruar nëse ato janë materializuar në prova për ndjekje penale. Llaban ka marrë më parë vendime edhe në favor të Vetëvendosjes, të cilat nuk janë kontestuar publikisht nga partia. Në një përgjigje për Nacionale, ambasada tha se sulmet personale ndaj gjyqtarëve vetëm pse nuk pëlqehen vendimet janë të papranueshme dhe dëmtojnë besimin në pavarësinë e Gjykatës. “Akuzat duhet të ngrihen në mënyrë të qartë dhe të rregullt, në përputhje me procedurat ligjore”, thuhet në reagim. Ambasada gjermane theksoi mbështetjen e plotë për Gjykatën Kushtetuese dhe shprehu shqetësim për akuzat e motivuara politikisht, veçanërisht në një kohë kur Parlamenti ende nuk ka përmbushur detyrat e tij përfaqësuese pas zgjedhjeve.
