Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analistja politike dhe ish-anëtarja e Lëvizjes Vetëvendosje, Aida Dërguti, ka reaguar me ironi pas dorëheqjes së Liburn Aliut nga posti i ministrit në detyrë të Infrastrukturës. Në një postim të shkurtër në rrjete sociale, ajo ka përdorur një lojë fjalësh për të komentuar situatën politike brenda VV-së. Dërguti ka theksuar se tashmë prej muajsh, si ministrat ashtu edhe kryeministri janë “të dorëhequr” dhe njëkohësisht në detyrë pas zgjedhjeve të 9 shkurtit. Me një shprehje ironike, ajo ka shkruar: “Dorëheqja e të dorëhequrit, te i dorëhequri.” Reagimi i saj është parë si kritikë ndaj mënyrës se si po menaxhohet pushteti aktual dhe paqartësive rreth legjitimitetit të tij. Dorëheqja e Aliut erdhi pas zgjedhjes së Dimal Bashës në krye të Kuvendit, zhvillim që ka shkaktuar debat politik dhe institucional. Dërguti, e njohur për qëndrimet e saj kritike ndaj partisë ku dikur ka qenë pjesë, e ka shfrytëzuar momentin për të ironizuar këtë situatë. Ky reagim pason serinë e komenteve nga opozita dhe analistë që e shohin dorëheqjen e Aliut si sinjal të krizës brenda VV-së.
