Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandanti i KFOR-it, gjenerali Ozkan Ulutash, ka pritur në takim drejtorin e Zyrës për Çështjet e Evropës Perëndimore dhe Qendrore në Departamentin Amerikan të Shtetit, Mark Fleming. Fleming ishte i shoqëruar nga e ngarkuara me punë në Ambasadën e SHBA-së në Kosovë, Anu Prattipati, bëhet e ditur në një njoftim të KFOR-it. Sipas njoftimit, takimi u përqendrua kryesisht në situatën aktuale të sigurisë në Kosovë dhe në procesin e dialogut mes Kosovës dhe Serbisë. “Në këtë kontekst, gjenerali Ulutash përsëriti angazhimin e vazhdueshëm të KFOR-it për një mjedis të sigurt për të gjithë njerëzit që jetojnë në Kosovë dhe vlerësoi kontributet e gjata të SHBA-së në përpjekjet e KFOR-it dhe në stabilitetin rajonal”, thuhet në komunikatë.
