Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i OVL-UÇK-së, Hysni Gucati, e ka cilësuar si “kalkulim politik” veprimin e kryeministrit në detyrë, Albin Kurti, për publikimin e letrës së vitit 2022 drejtuar kryetares së Dhomave të Specializuara, Ekaterina Trendafilova, në të cilën ai kërkonte lirimin e ish-krerëve të UÇK-së. Gucati tha se publikimi i letrës vetëm katër ditë para balotazhit është i motivuar nga interesa elektorale. “Punët e mira bëhen në heshtje, por Kurti po e përdor këtë moment për të marrë vota nga qytetarët dhe veteranët. Nëse ka dashur të tregojë përkrahje për ata që janë në Hagë, pse nuk e ka bërë këtë më herët, por pikërisht tani, para zgjedhjeve?”, deklaroi ai. Sipas Gucatit, ky veprim dëshmon mungesë sinqeriteti nga ana e qeverisë aktuale ndaj ish-luftëtarëve të UÇK-së, të cilët prej pesë vitesh mbahen në Hagë. Ai theksoi se Qeveria Kurti asnjëherë nuk ka treguar angazhim real për lirimin e tyre, përveç deklaratave politike të vonuara. Kritikët vlerësojnë se letra e publikuar është përpjekje për të fituar mbështetje në prag të balotazhit dhe zgjedhjeve të mundshme të parakohshme, duke e shfrytëzuar çështjen e ish-krerëve të UÇK-së për përfitime politike.
