Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka festuar të dielën në Mitrovicë pas fitores së kandidatit të saj, Faton Peci, në balotazh. Mirëpo, festimet kanë tërhequr vëmendje për shkak të një gjesti simbolik, aktivistët e partisë hodhën valle duke mbajtur “goma rezervë”, në një aludim të qartë ndaj retorikës ofenduese të përdorur më herët nga lideri i VV-së, Albin Kurti. Kandidati i Vetëvendosjes, Faton Peci, arriti një fitore të ngushtë dhe të mundimshme në Mitrovicë, duke mposhtur rivalin e tij nga Partia Demokratike e Kosovës, Arian Tahiri, i cili ishte cilësuar si një prej befasive më të mëdha të këtyre zgjedhjeve për performancën dhe përfaqësimin e tij dinjitoz. Fushata në këtë komunë ishte e ngarkuar politikisht, me një përballje të ashpër mes kandidatëve dhe përfshirje të drejtpërdrejtë të strukturave qendrore të partive. Sipas vëzhguesve, përparimi i Tahirit ishte aq domethënës sa që e gjithë aparatura e Vetëvendosjes dhe qeverisë u angazhua fuqishëm për ta mposhtur kandidatin që fillimisht ishte parë si jo favorit. Vetë lideri i VV-së, Albin Kurti, gjatë kësaj fushate ishte përfshirë personalisht në retorikë përçarëse dhe sulme verbale ndaj kundërshtarëve politikë. Ai e kishte quajtur Tahirin “gomë rezervë”, një deklaratë që u kritikua gjerësisht si ofenduese dhe e papërshtatshme për një kryeministër. Festimi me “goma rezervë” në sheshin e Mitrovicës u interpretua nga shumë qytetarë si një gjest ironik dhe provokues, duke sjellë reagime të ndryshme në opinionin publik.
