Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Trupi gjykues në procesin ndaj ish-krerëve të Ushtrisë Çlirimtare të Kosovës – Hashim Thaçit, Kadri Veselit, Rexhep Selimit dhe Jakup Krasniqit – ka njoftuar se deklaratat përmbyllëse të palëve do të paraqiten nga data 9 deri më 13 shkurt 2026. Sipas vendimit të gjykatës, faza e administrimit të provave të mbrojtjes do të mbyllet deri më 2 dhjetor 2025, ose në ditën e parë të punës pas marrjes së vendimit të fundit të trupit gjykues lidhur me kërkesat e mbetura për pranimin e provave, në varësi se cila datë bie më herët. Gjithashtu, dorëzimi i dosjeve gjyqësore përfundimtare dhe deklaratave për pasojat e krimeve të pretenduara ndaj viktimave pjesëmarrëse është caktuar të bëhet deri më 19 janar 2026, njofton “Betimi për Drejtësi”. Në këtë mënyrë, procesi gjyqësor po hyn në fazën përfundimtare, ndërsa pritet që viti 2026 të jetë vendimtar për këtë rast të profilit të lartë.
