Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretarja e Përgjithshme e Partisë Demokratike të Kosovës, Vlora Çitaku, ka akuzuar Lëvizjen Vetëvendosje për sabotimin e qëllimshëm të projekteve strategjike energjetike në vend. Sipas saj, kjo sjellje ka ndikuar drejtpërdrejt në vonesat e ndërtimit të kapaciteteve energjetike dhe ka rritur ndjeshëm pasigurinë energjetike të Kosovës. Çitaku ka përmendur si shembuj konkrete “Termocentralin Kosova e Re” dhe projektin amerikan për gaz përçuesin, duke theksuar se VV i ka kundërshtuar dhe shpeshherë bllokuar këto iniciativa me qëllim, duke penguar zhvillimin ekonomik dhe sigurinë energjetike të vendit. Ajo thekson se pavarësia energjetike nuk është thjesht një çështje ekonomike, por një komponent kyç i sigurisë kombëtare, dhe mosrealizimi i projekteve të tilla e bën Kosovën të varur dhe të ekspozuar ndaj krizave energjetike. Sekretarja e PDK-së thekson gjithashtu se politika e VV-së ka pasur pasoja të drejtpërdrejta për qytetarët dhe bizneset kosovare, duke i vënë familjet dhe prodhuesit vendorë përballë çmimeve të papërballueshme të energjisë. Ajo i atribuon këto vështirësi edhe asaj që e quan “pasurim i mafies energjetike”, duke theksuar se vendimet e dështuara politike kanë krijuar një situatë të rëndë për ekonominë dhe sigurinë e vendit.
