Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lidhjes Demokratike të Kosovës, Lumir Abdixhiku, është shfaqur i ashpër dhe ironik ndaj kryeministrit Albin Kurti dhe, siç e ka quajtur ai, fushatës së tij propagandistike të shoqëruar me këngë dhe simbolikë të luftës. Abdixhiku iu referua një paraqitjeje të fundit në Cyrih, ku gjatë një tubimi u interpretua një këngë për Albinin, duke e cilësuar këtë skenë si qesharake dhe të shëmtuar, kreu i LDK-së reagoi ashpër ndaj asaj që e konsideron përdorim të frikës dhe simbolikës së luftës për përfitime politike, në mungesë të rezultateve konkrete qeverisëse. “Le atë pushkë, amani t’koftë. Kape ndonjë kazmë e qit ndonjë punë në dritë”, u shpreh Abdixhiku, duke ironizuar mesazhet e fushatës së Kurtit dhe duke kritikuar mos punën e qeverisë. Sipas Abdixhikut, Kosova ka nevojë për zhvillim, punë konkrete dhe stabilitet, e jo për rikthim të retorikës së luftës dhe imazheve që, sipas tij, vetëm sa ndjellin frikë dhe përçarje.
