Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Organizatës së Veteranëve të Luftës së UÇK-së, Gazmend Syla, ka reaguar ashpër pas publikimit të rezultateve të zgjedhjeve, duke i cilësuar ato si një goditje të drejtpërdrejtë ndaj vlerave të luftës çlirimtare. Syla ka deklaruar se “rreth gjysmë milioni vota janë kundër UÇK-së”, duke akuzuar Lëvizjen Vetëvendosje se ka fituar zgjedhjet me një listë që, sipas tij, është pa vlerë kombëtare dhe e shkëputur plotësisht nga luftëtari dhe sakrifica e tij. “Një listë pa asnjë vlerë kombëtare fitoi përballë tri listave të tjera të mbushura me atdhetarë, patriotë, udhëheqës lufte dhe luftëtarë të dëshmuar. Për pesë vjet nuk e ktheu kurrë kokën nga luftëtari”, ka shkruar Syla. Ai ka rikujtuar edhe vendimin për ndarjen e pensionit të veteranëve nga paga minimale, i cili, sipas tij, është miratuar në Kuvend me votat e Vetëvendosjes dhe Listës Serbe, duke e lënë veteranin me 204 euro pension mujor. “Një listë që, bashkë me Listën Serbe, e la luftëtarin me 204 euro pension – shumë që nuk mjafton as për të paguar faturën e rrymës. Një listë që deklaroi se më mirë të paguhen mercenarë të huaj sesa luftëtarët e popullit”, ka theksuar ai. “Fatkeqësisht, shteti po shkon duke u shkëputur nga lufta që e solli lirinë, dhe kjo ka emër”, ka përfunduar Syla, i cili ishte edhe kandidat për deputet nga radhët e AAK-së.
