Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtarësimi i Kosovës në NATO u theksua si çështje kyçe për stabilitetin e Ballkanit gjatë një Forumi të Sigurisë të mbajtur në Kongresin Amerikan, ku morën pjesë edhe deputetë shqiptarë. Kongresmeni republikan Keith Self deklaroi se e ka marrë si mision personal mbështetjen për futjen e Kosovës në Aleancë, duke e cilësuar këtë hap si forcë stabilizuese për rajonin. Ai u shpreh se Ballkani mbetet një zonë e brishtë sigurie dhe se nevojitet përparim konkret, pavarësisht kundërshtimeve të disa vendeve anëtare. Në të njëjtën tryezë, bashkëdrejtuesi i konferencës, Fatmir Mediu, theksoi se nisja e procesit të anëtarësimit të Kosovës do të rriste partneritetin dhe sigurinë rajonale. Në forum u diskutua gjithashtu edhe objektivi që vendet e NATO-s të rrisin shpenzimet për mbrojtjen deri në 5% të buxhetit kombëtar.
