Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
QEMAL STAFËS – “Hero i Popullit”
Meteor linde ti, në kohën sterrë, me suferinë.
Drita jote kurrë s’u shua, ndrin ajo ardhmërinë.
Në të kombit mendje, zemër, Jotja dritë e gjak;
Në fushë kuqin Flamur, ngjyrë e tij ende përflak!
Mendjendritur, o sa larg, shikimin e hodhe!
Tej territ që nxinte, të vërtetën na e tregove.
E vjetra, se si shembet, i njomë fare, ti e pe!
E sesi gërmadhash, lind Botë reja, qartë, na e the!
Atë botë, ti thellë e njohe, i fole asaj ndër sy;
Grushtet fort i shtrëngove, flakë e prush në gji!
Në shpirt e në mendje, prangat, ti, s’i durove;
Moçalkohën e gjykove, atë ashpër e dënove!
Flakë, shpirti yt në terrnajë, udhën na ndriçoi;
-Jam komunist! – the, prangat fjalëve ua këpute;
Idealin e lartësove, me ty koha kahun ndryshoi;
Ti, flakërimë, prush rinor, në të renë botë na fute!
I njomë ishe, por vullkan qe, ideal pjekur;
Ti na mësove, të vërtetën për ta ndjekur!
Mbolle shpresë e dritë, kalle zemrat rinore;
Ti, në maja mote lavdie, prore përmendore!
Ty s’të vrau atë Maj, tradhtia, jo, as ligësia;
S’mund të vritej ideali, zemra jote, as rinia!
Sa, pranvera vjen, me emrin Tënd, ajo lidhur;
Tëndin emër, historia, në ballinë, ka skalitur!
Sa shumë kohëra rrodhën, erdhën, shkuan!
Sa shumë zemra, me ty ranë, me ty u zgjuan!
Sa shumë netë, në terrnajë, vendin burguan;
Me frymën Tënde, uragan, Loken shpëtuam!
Ti nuk re për të vdekur, o ylli, që na ndrin;
Rron prore zemra jote, e epokave, flakërimë!
Rrugësh jete, shkollash, mendimesh, je me ne;
Në kohëra ligësie, Ti na fton, për “Botën e Re”!
S’ kthehen malet, asnjë kohë, kokëposhtë;
Idealin, zjarr vullkan, s’del kush ta mposhtë!
Ti mbi ligësi, si zgalem dallgësh përmbi det;
S’e rrëzojnë krimbat, malin, që shuan rrufetë!
O hero, që n’luftra u rrite e, n’legjenda mbete!
I tmerron, sot, lavdia jote, zhabat e çdo kënete!
Ti, fryma e djalërisë, frymini i tonës vlerëjete!
Nuk mund të ishe aq i vogël,“komandant çete”!
Ti, yll i lavdisë, armatë fitimtaren, frymëzove;
Ti nuk vdiqe, je në flamur, me shqipen, prore!
O simbol i pavdekësisë, krenari e shqiptarisë!
Nder për Kombin, yllkuq, zemërprush i rinisë!
