U mbajt punëtoria me temën “Roli i institucioneve lokale në mbrojtjen, promovimin dhe zbatimin e të drejtave të grave për qasje të barabartë në pronë dhe trashëgimi”

13/07/2026 Institucionet

Në Komunën e Deçanit u mbajt punëtoria me temën “Roli i institucioneve lokale në mbrojtjen, promovimin dhe zbatimin e të drejtave të grave për qasje të barabartë në pronë dhe trashëgimi”, e organizuar nga Zyra për Barazi Gjinore.

Në këtë aktivitet morën pjesë kryetari i Komunës së Deçanit, z. Bashkim Ramosaj, zyrtarja për Barazi Gjinore, znj. Ajne Iberhysaj, si dhe përfaqësues të institucioneve lokale e qendrore, sistemit të drejtësisë dhe organizatave të ndryshme.

Gjatë punëtorisë u diskutua për rëndësinë e garantimit dhe avancimit të të drejtave të grave për qasje të barabartë në pronë dhe trashëgimi, duke theksuar se barazia gjinore është një e drejtë themelore dhe një parakusht i rëndësishëm për zhvillim të qëndrueshëm dhe ndërtimin e një shoqërie më të drejtë.

Komuna e Deçanit mbetet e përkushtuar që përmes bashkëpunimit ndërinstitucional dhe veprimeve konkrete të promovojë dhe fuqizojë të drejtat e grave, duke krijuar mundësi të barabarta për të gjithë qytetarët.

Kontrolloni gjithashtu

Kryetari Haliti përuron parkingun e ri për biçikleta në Viti

Kryetari i Komunës së Vitisë, Sokol Haliti, së bashku me drejtorin për Shërbime Publike dhe …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara