Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Besnik Tahiri, i ka drejtuar një kërkesë zyrtare kryesuesit të seancës konstituive, Avni Dehari, për realizimin e një takimi konsultativ me qëllim përgatitjen e vazhdimit të punimeve të Kuvendit. Përmes një deklarate publike, Tahiri ka bërë të ditur se takimi është propozuar të zhvillohet brenda ditës së sotme në ambientet e Kuvendit, me synim që seanca e radhës të mbahet ditën e nesërme, në përputhje me Rregulloren e Punës së Kuvendit. Ai nënvizoi se kjo nismë ndërmerret në frymën e përgjegjësisë institucionale dhe procedurale, ndërsa paralajmëroi se pas takimit të propozuar opozita do të prononcohet për mediat nga holli i Kuvendit.
