Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka reaguar lidhur me procesin gjyqësor ndaj ish-presidentit të Kosovës, Hashim Thaçi, duke shprehur bindjen se ai do të triumfojë dhe se e vërteta do të dalë në pah. Përmes një postimi në rrjetet sociale, Rama ka përsëritur mbështetjen e tij për çlirimtarët, duke e nisur mesazhin me thirrjen “LIRI PËR ÇLIRIMTARËT”. Rama ka theksuar se, ashtu siç ka deklaruar edhe vetë Thaçi, liria nuk mund t’i merret askujt dhe se besimi në liri ka qenë një nga shtyllat e rrugëtimit të Kosovës drejt çlirimit. “Siç e ka thënë vetë Hashimi, lirinë nuk ia merr dot askush, askund. Dhe ashtu siç Kosova triumfoi duke besuar te liria edhe kur s’kishte askënd e asgjë përpos etjes së vet për liri, ashtu do të triumfojë edhe Hashim Thaçi me forcën e të vërtetës së tij”, ka shkruar Rama. Ai ka vlerësuar gjithashtu se vitet e kaluara në paraburgim nuk e kanë zbehur, por, sipas tij, e kanë forcuar edhe më shumë këtë të vërtetë, duke e lidhur atë edhe me mbështetjen e shqiptarëve. “Vitet e burgut veç e kanë bërë më të madhe, bashkë me mbështetjen e krejt shqiptarisë”, ka përfunduar kryeministri shqiptar.
