Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-hetuesja e Tribunalit të Hagës në rastin e Sllobodan Millosheviqit, Nevenka Tromp, ka vlerësuar se përfundimi i procesit gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit mund të shkojë në tri drejtime të ndryshme. Tromp ka thënë se parashikimi i verdiktit është tejet i vështirë, por, bazuar në analizën e saj, ekzistojnë tri skenarë të mundshëm. Sipas saj, skenari i parë është që të katër të akuzuarit të shpallen të pafajshëm, ndërsa skenari i dytë parasheh që të katër të shpallen fajtorë dhe të dënohen për një ose më shumë pika të aktakuzës. Skenari i tretë, sipas Trompit, është që disa prej të akuzuarve të dënohen, ndërsa të tjerët të shpallen të pafajshëm. “Është një situatë shumë e vështirë për të parashikuar diçka. Meqenëse jam e trajnuar në shkenca politike, jam mësuar t’i analizoj skenarët e paparashikueshëm”, ka deklaruar Tromp. Ajo ka theksuar se, në këtë fazë, asnjëri prej këtyre tre skenarëve nuk mund të përjashtohet.
