Edward Joseph: Serbia, Rusia dhe Kina do ta përdorin vendimin e Hagës kundër Kosovës

17/09/2026 Lajmet

Profesori amerikan, Edward Joseph, ka deklaruar se aktgjykimi dënues ndaj Hashim Thaçit, Kadri Veselit, Rexhep Selimit dhe Jakup Krasniqit mund të shfrytëzohet nga Serbia, Rusia dhe Kina në përpjekjet për ta dëmtuar pozicionin ndërkombëtar të Kosovës. Duke komentuar dënimin prej gjithsej 81 vitesh burgim ndaj katër ish-drejtuesve të UÇK-së, Joseph ka thënë se vendimi mund të përdoret për të diskredituar UÇK-në dhe për të izoluar më tej Kosovën. “Kjo gjë do të përdoret nga Serbia si mjet për të diskredituar UÇK-në, veprimtarinë e saj. Do të përdoret nga Rusia dhe Kina. Do të përpiqen ta izolojnë edhe më shumë Kosovën”, ka deklaruar Joseph. Ai ka përmendur edhe reagimet në Serbi pas vendimit, duke iu referuar nderimeve për figura serbe të luftës dhe gjuhës së urrejtjes në Beograd. Sipas Josephit, dënimi i shqiptuar ndaj ish-krerëve të UÇK-së nuk është i krahasueshëm me dënimet e shqiptuara ndaj disa figurave politike dhe ushtarake serbe të dënuara për krime gjatë luftërave në ish-Jugosllavi. “Dënimi nuk është i barabartë me dënimet që kanë marrë figurat serbe, që kanë kryer krime”, ka theksuar ai.

Kontrolloni gjithashtu

Le Monde për verdiktin e Hagës: Thaçi dënohet me 25 vjet, gjykata përballet me kritika për provat nga Beogradi

Gazeta franceze “Le Monde” aktgjykimin e Hagës e cilëson si një vendim që pritet të …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara