Së shpejti fillojnë vizitat sistematike shëndetësore në shkolla

17/10/2016 Institucionet

Sot, është mbajtur mbledhja e rregullt e Këshillit të Drejtorëve, të cilën e udhëheqë Kryetari i Komunës së Malishevës, Ragip Begaj, ndërsa në këtë mbledhje, gjatë raportimit të drejtorëve, u tha se së shpejti do të fillohet me realizmin e projektit të vizitave sistematike shëndetësore, nëpër shkollat e Komunës së Malishevës, e gjithashtu u raportua edhe si një javë e suksesshme në sport, ku ekipet malishevase, kanë treguar rezultate të mira.

Drejtori për shëndetësi, Hajdin Berisha, tha se janë në përgatitje të fillimit të projektit për realizimin e vizitave shëndetësore sistematike, në shkollat e Komunës së Malishevës, ku përfshin nxënësit e klasave, të para, të pesta dhe të nënta. Drejtori Berisha, gjithashtu ka bërë të ditur se janë furnizuar me vaksina kundër gripit sezonal.

Ndërsa në fushën e sportit, drejtoresha për Kulturë, Rini dhe Sport, Blerta Krasniqi, ka njoftuar për suksese të ekipeve të Malishevës, në garat e ndryshme, duke filluar me klubin e notit “Besa”, të cilët janë shpallur kampion në kampionatin e Kosovës, në pishinë të mbyllur (25 metra), për kategorinë e juniorëve dhe pionierëve. Po ashtu, edhe ekipi i volejbollit është duke vazhduar me rezultate të mira, sikur edhe ekipi i futbollit dhe ai i futsallit.

Sa i përket realizimit të projekteve kapitale, drejtori i urbanizimit, Ahmet Morina, tha se janë duke vazhduar me realizimin e projekteve, kryesisht në infrastrukturë, por herë pas here, këto projekte mund të kenë ngecje, për shkak të kushteve atmosferike.

Në fushën e ekonomisë drejtori Vesel Krasniqi, ka thënë se janë në përfundim e sipër të rregullores për taksa, për vitin 2017, ndërsa buxheti i komunës së Malishevës është shpenzuar në masën shtatëdhjetë përqind.

Kontrolloni gjithashtu

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

Në shërbimin e vaksinimit në Ferizaj ishin për vizitë Dr. Edita Haxhiu – përfaqësuese nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara