Ankaraja e gatshme për bashkëpunime kulturore me Kosovën

02/11/2016 Institucionet

Komuna e Ankarasë ka shprehur gatishmërinë për të bashkëpunuar me Kosovën ne fushat e kulturës, rinisë, sportit e më gjerë, si dhe ka ofruar përkrahje për zhvillimin e komunave të Kosovës.

Në një takim në Ankara që pati zëvendësministri i MKRS-së, Rexhep Hoti me nënkryetarin e kësaj komune, Ali Gökşin u diskutua për mundësitë e lidhjes së bashkëpunimit në fusha konkrete në kulturë, rini, sport, por edhe në fusha tjera të rëndësishme.

Gökşin, pas pritjes që i bëri zëvendësministrit Hoti tha se janë të gatshëm në çdo kohë ta ndihmojnë Kosovën dhe të kontribuojnë në zhvillimin e çdo komune të saj.

Ai u shpreh i interesuar të mësojë më shumë rreth kulturës në Kosovë dhe ofroi gatishmërinë e Ankarasë për të lidhur ura bashkëpunimi.

Ndërkaq,  zëvendësministri Hoti falënderoi Gökşin për pritjen dhe siguroi se Qeveria e Kosovës është shumë e interesuar për të forcuar lidhjet me Ankaranë.

Ai tha se ndër pikat ku do të mund të bashkëpunohej janë trashëgimia kulturore, rinia e sporti por edhe fusha tjera.

Ai shprehi edhe idenë e organizimit të përbashkët të seminareve, konferencave e simpoziumeve të ndryshme.

Hoti dhe Gökşin u pajtuan që në një të ardhmen të afërt, të shihet mundësia e konkretizimit  të hapave bashkëpunues për çështjet të cilat u diskutuan në takim.

Kontrolloni gjithashtu

Kryetari Ekrem Kastrati bëri homazhe në 27-vjetorin e rënies së dëshmorëve të kombit

Në shënim të 27-vjetorit të rënies heroike të dëshmorëve të kombit, Ibrahim Mazrreku, Kujtim Krasniqi, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara