Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
I nxitur nga qytetari i pa civilizuar, me shtetësi greke dhe deputet i Kuvendit të Republikës së Shqipërisë, i pa nderuari, i parespektuari, i pa identitet Vangjel Dule, u detyrova të bëjë këtë reagim! Deputeti i Partisë Bashkimi për të Drejtat e Njeriut, Vangjel Dule në fjalën e tij nga foltorja e Kuvendit të Republikës së Shqipërisë, dje ka shpifur me tone të ulta dhe kritike në drejtim të Shqipërisë, lidhur me respektimin e shtetit të së drejtës. Vangjel për çfarë shteti të së drejtës na flet ti, kur shteti që ti ke pasaportë të tij (Greqia) u’a mohon gjitha të drejtat shqiptarëve dhe arvanitasve autokton? Vangjel, për cilin shtet europian të së drejtës e ke fjalën, atë shtetin grek që edhe sot e kësaj dite shkel të gjitha të drejtat e njeriut, konventat dhe aktet juridike ndërkombëtare, apo për shtetin grek që nuk lejon shqiptarët e Çamërisë të rikthehen në pronat e tyre, madje nuk i lejon as t’i vizitojnë varret e të parëve të tyre, ndërkohë që Shqipëria këtë të drejt u’a garanton edhe atëherë kur ju nuk kini të drejt, sikurse rasti i shpikjes së varrezave të ushtarëve grek!
Çfarë leksioni mund të na jep neve Greqia “europiane”? Atë të gjenocidit? Atë të dhunimit? Atë të dëbimit masiv? Apo atë të shkatërrimit dhe shfrytëzimit të pronave të shqiptarëve si plaçkë lufte?!
Para se Greqia të na jap neve leksion, ajo duhet që të heq Ligjin e luftës me Shqipërinë, të garantoj rikthimin e popullsisë shqiptare në Çamëri, të njoh shtetësisë së dyfishtë për ta, t’ua rikthej të gjitha pronat e uzurpuara, t’i kompenzoj për përdorimin e pronave, të pranoj gjenocidin ndaj çamëve, të lejoj organizimin e pushtetit dhe administratës në gjuhën shqipe, si gjuhë zyrtare, të lejoj hapjen dhe financimin e shkollimit në gjuhën shqipe, të të gjitha niveleve në territorin e Çamërisë dhe mbarë Greqisë bazuar në konventat ndërkombëtare, të ndaloj politikën shtetërore të shkombëtarizimit të shqiptarëve dhe arvanitasve autokton, të zbardh fatin e mbi 170 imigrantëve shqiptarë të vrarë e të masakruar nga shteti ultranacionalist grek dhe të rishikoj gjitha vendimet e montuara në burgjet e saj të stërbushura me emigrantë shqiptarë të denuar pa fakte.
Ti Vangjel, je qytetar europian këtë nuk mund ta mohon askush, por mos harro europian të bënë kjo Shqipëri, e cila ta jep të drejten të flasesh edhe në Kuvendin e Republikës së Shqipërisë, ndërkohë që shqiptarët përtej kufirit, në Çamërinë e pushtuar nuk kanë të drejtë të flasin shqip as në shtëpinë e tyre, e lere më në rrugë apo në Kuvendin e Greqisë së ashtuquajtur “europiane” e “demokratike”. Vangjel, Europian të bënë Shqipëria, e cila të garanton të gjitha të drejtat e njeriut, madje ty si agjent i asfalisë greke, ndërsa Greqia gjenocidiste të bënë vrastar, gjakëpirës të fëmijve e nënave shtatazëne çame, gjakëpirës pleqësh e dhunues të femrave!
Sa i përket Greqisë “europiane”, edhepse ti e dinë shumë mirë gjendjen atje, prapë po ta tregoj unë, meqense kam vizituar Janinën, Artën, Pargën, Gumenicën, Paramithinë, Prevezën dhe qytete e fshatra të tjera shqiptare të Çamërisë, siç po e sheh të gjitha emrat e këtyre qyteteve janë tërësisht shqip! Sapo kalova kufirin shqiptaro-shqiptar, në Konispol ashtu edhe në Kakavijë, gjëja e parë që më ra në sy ishin gjurmët e krimeve greke ndaj shqiptarëve. Lartë në bjeshkë, shihen rrënojat e fshatërave të dikurshme shqiptare, ndërsa poshtë janë vendbanimet e ndërtuara pas gjenocidit, shtëpi e objekte të ndërtuara në prona të uzurpuara. Gjendja në ato troje shqiptare është çnjerzore dhe nën çdo nivel. Atje njerzit kanë frikë madje të flasin shqip, kanë frikë të fotografohen në natyren magjepse të atyre trojeve shqiptare, e sa përket flamurit shqiptar as që diskutohet nuk shihet askund, ngase çdo element shqiptarë është rreptësisht i ndaluar, madje sikurse të kishin fuqi edhe ajrin do ta ndalonin. Krahasuar me Kosovën e paraluftës, gjendja atje është edhe 100 herë më çnjerzore, se sa nën pushtimin serbosllav. Pra, kjo është pasaporta “europiane” e Greqisë së Vangjel Dules!
Dhe në fund, në Shqipëri ti ke të drejtë të deklarohesh si të duash, mund të vetquhesh grek apo çfarëdo tjetër, por mos harro se prostitucioni është i ndaluar me ligj, andaj mos u bë prostitutë e askujt, që varësisht nga çmimi të ndërrosh kombësinë, sepse kjo mund të cilësohet vepër penale!
(Autori është kryetar i Lëvizjes për Shqipëri të Bashkuar)
