Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka kërkuar lirimin e menjëhershëm të deputetëve të saj, Albin Kurti, Albulena Haxhiu dhe Donika Kadaj-Bujupi. Gjatë konferencës për medie, peputeti i Vetëvendosjes Sami Kurteshi tha se gjyqtari Beqir Kalludra që ka lëshuar urdhër arrestin për deputetët Kurti, Haxhiu e Kadaj-Bujupi, ka bërë vepër penale. Ai përkujtoi se më 22 nëntor VV ka bërë kërkesë për përjashtimin e trupit gjykues në rastin e deputetëve të saj për hedhje të gazit në Kuvendin e Kosovës, derisa ende pa marrë asnjë përgjigje, gjyqtari Kalludra ka lëshuar urdhërarrestin për Kurtin, Haxhiun e Kadaj-Bujupin. Ka dyshime të bazuara dhe objektive se ky trup gjykues nuk mund të jetë i paanshëm në këtë rast, pasi i njëjti trup ka dënuar edhe aktivistët e VV-së, për sulmin mbi Kuvendin e Kosovës, theksoi deputeti, Sami Kurteshi. Gjatë konferencës për medie, ai foli edhe për rezultatin e zgjedhjeve dhe ftoi kryetaren e Komisionit Qendror të Zgjedhjeve, Valdete Dakën që të lejojnë numërimin e votave me kusht dhe me postë për Prishtinën dhe Prizrenin.
