Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mediet serbe kanë kaluar në një
fushatë të organizuar të raportimit të çfarëdo incidenti që tagenton serbët në
Kosovë. Duke shfrytëzuar incidentin akoma të pasqaruar në fshatin Gorazhdec,
zëvendëskryeministri nga radhët e Listës ‘Srpska’, Branimir Stojanoviq
pretendon se “sulmet ndaj popullatës serbe kanë tejkaluar çdo masë”. “Aktorët e
veprave penale, në shoqërinë demokratike nuk mund të jenë të panjohur, në të
kundërtën kjo demokraci vihet në pikëpyetje”, thuhet në kumtesën e lëshuar nga
zyra e zëvendëskryeministrit, Stojanoviq. Ai më tej, ka theksuar se ka
‘provokime’, ‘frikësime’, ‘sulme të armatosura’ e ‘dëmtim të përmendoreve”.
Sipas kumtesës, zëvendëskryeministrit serb në Qeverinë e Kosovës, edhe njëherë
i ka bërë thirrje bashkësisë ndërkombëtare, që përmes ndikimit në Polici, t’i
gjejë dhe t’i dënojë autorët e këtyre rasteve.
