vipa
driloni com
Fillimi / Kultura / Agim Vuniqi: Srebrenica…
Srebrenica

Agim Vuniqi: Srebrenica…

…. Srebrenica…,

zonë e mbrojtur nga OKB-ja…

Pashë me sytë e mi, bashkë me sytë e fëmijëve të mi

ushtarë e paramilitarë…

pashë me mjekrra, pash edhe me kokarda

të zberthyer e qizme-zgjidhur

nga Serbia  vinin si “mysafirë”…,

 

i pash ata në Caralevë,

i pash te kroni i bardhë…,

njerëz “të bekuar” e satanë…

më heret kolonë…, tash në batalion

 

bënin hesape në numratore

një numër, një kokë…

 

nje, dy, tre…njëshe…

dhjetë, njëzet, tridhjetë…qindëshe…

njëmijë, dymijë, tremijë…mijëshe

dhjetmijëshe…qindmijëshe…

ashtu, si nxënësit, që sapo filluar…

…bëhen gati për t’shkuar në shkollë…

 

…i ndanin nga grupi femijët buzëqumsht…

…të vegjël i masakronin….

.në Kosovë, që ishin shqiptarë…

në Osijek, që ka kroat…

në Lubjanë ka sllovenë…

e në Srebrenicë…hej në Srebrenicë…

…u përserit inkuizicioni…një fe e një Zot

…këtë kod jete çetnikët e shkruanin …

…të tjerët janë heretikë e t’pa fe…

“Ko to kaze, ko to laze da je Serbija mala”

 

…gjenitalet jasht…, i nxirrnin, i këqyrnin…

ti je i bamë synet

ti je për kurban…

ti je boshnjak…,

ti je turk…, je musliman

koka jote eshte e bukur per jatagan…

 

u dënua njeriu, u dënua plaku e fëmiu

zoti yt është tjetër, imi është i forti

u kryqua buka dhe u satanizua njeriu

dhe ai që bëri krimin mori bekimin

 

“Ja sam Bog”,  thonte

… ti je shqiptar, ti je slloven, ti je kroat…

e ti je boshnjak, turk…musliman

je për jatagan…,

 

U quan nga varret Car Llazarët e vet Shën Sava,

mprehën shtizat e shpatat e rënda mesjetare…

 

iu sulën kokave boshnjake

i thanë ti je turk, je  musliman

pren e masakruan, gjë pa bë s’lanë…

 

ndërtuan kampe përqëndrimi

me pa sa është i qëndrueshëm njeriu…

…abuzuan e dhunuan

…hej… njeriu ia bëri njeriut

komshiu-komshiut

u vranë edhe fëmijtë në bark…

ti nuk do jetosh më…, thanë…

je i mirë për jatagan…

 

Sarajeva kur u rrethua

me ngjyra shtëpitë i “bojadisën” ,

edhe njerezit ishin shënjuar…

serbët për t’i dalluar…

 

e …boshnjakët…

rrëzoheshin njëri pas tjterit

nga snajperët e Mlladiqit e Kraxhiqit

ata që shkonin te burimi…

…ujë për të marrë …

 

e enjte, 26 maj 2011, “break news” CNN,

u zu krimineli Mlladiq,

…me i keqi…pas luftës së dyte botërore,

ç’thoni ore…u zu …”heroi” serb, mjeshtri krimit..

ai që ndertoi nje entitet me gjak?

 

…për botën ishte kriminel…,

…nga gjaku u krijua Republika Serpska,

…atje në Dayton,

athua do të përmbushet drejtësia…?

Kontrolloni gjithashtu

Rita Marko: Si u takova me Qemal Stafën dhe kur e dëgjova për herë të parë emrin e Enver Hoxhës

Rita Marko: Si u takova me Qemal Stafën dhe kur e dëgjova për herë të parë emrin e Enver Hoxhës

EKSKLUZIVE/ “Albanian Free Press” fillon botimin për herë të parë, të dorëshkrimeve personale me kujtime ...