Ahmet Qeriqi: Luftime të ashpra në Zonën e Shalës, në Anadrin dhe në fshatrat e Klinës (22 shkurt, 1999)

Ahmet Qeriqi: Luftime të ashpra në Zonën e Shalës, në Anadrin dhe në fshatrat e Klinës (22 shkurt, 1999)

Në orën 10. 00 kam arritur në Berishë

Kemi filluar përgatitjen e emisioni pa ia varur veshin problemeve të cilat sa më shumë mundohemi t`i evitojmë aq më keq na zgjerohen, sikur përpjekjet për të dalë nga zalli i gjallë. Tani e tutje po bëhemi imunë dhe në këtë ndeshtrashë.

Nga Zona Operative e Shalës na kanë njoftuar se sot po zhvillohen luftime të ashpra në fshatrat e rrethit të Vushtrrisë  si në Bukosh, Navalan, Ashlan e në vende të tjera. Luftimet janë zhvilluar në distancë të zjarrit të armëve të këmbësorisë. Ende nuk kemi lajme për pësimet eventuale nga ana jonë.

Edhe në fshatrat e Anadrinit ka luftime sporadike, ndërsa detonimet e fuqishme vijnë nga fshatrat e Klinës. Këtu në Rrafshnaltë, dëgjojmë detonime të fuqishme edhe në Dukagjin, por ende nuk kemi informacione lidhur me zhvillimet atje. Përforcime dhe dislokim forcash janë shënuar edhe në rrethinën e Kaçanikut dhe të Hanit të Elezit. Pritet që edhe atje të fillojë ofensiva.

Kjo përgatitje e fortë ushtarake e okupatorit është presion në Konferencën e Rambujesë por edhe mospërfillje e faktorit vendimmarrës ndërkombëtar. Mendoj se perëndimi e veçmas, Amerika, me kohë i kanë kuptuar problemet e vërteta, por e keqja qëndron në faktin se ata si zakonisht për t i detyruar dy palë të pajtohen e dëmtojnë atë më të dobëtin, më të dëgjueshmin.

Në selinë tonë në Berishë në mbrëmje ka ardhur Ajvaz Berisha me vëllanë e tij, Çaushin profesor i filozofisë. Së bashku me ta ka ardhur dhe një ushtar. Kemi biseduar me Ajvazin dhe Çaushin rreth mundësisë së angazhimit të tij në radhët e stafit, por ai pranon se nuk e njeh profesionin e gazetarit.

Ka mbetur që të bisedojmë edhe me Martinin, Beratin dhe Nezirin në mënyrë që t`i hulumtojmë mundësitë dhe nevojat tona për të caktuar ndonjë punë edhe për Çaush Berishën, i cili qysh herët është kyçur në radhët e UÇK-së.

Në orët e vona të natës Berishën dhe tërë Rrafshnaltën e ka përshkuar një shtrëngatë me stuhi sa kishin frikë mos po na rrëmben edhe kulmin e odës. Edhe pse zjarri në stufë nuk shuhet tërë ditën e deri natën vonë kur fryn këtu as muret nuk e presin. Isa dhe Martini janë ftohur. Simptoma të një gripi të keq po më lajmërohen edhe mua…

Kontrolloni gjithashtu

Ahmet Qeriqi: Forcat armike ndërmarrin ofensivë në tërë territorin e Kosovë të përfshirë në luftime. Në mbrojtje të pozicioneve tona në Gradinë bien pesë dëshmorë. Forcat serbe nuk arrijnë të depërtojnë në Rrafshnaltë. (E diel 18 prill, 1999)

Ahmet Qeriqi: Forcat armike ndërmarrin ofensivë në tërë territorin e Kosovë të përfshirë në luftime. Në mbrojtje të pozicioneve tona në Gradinë bien pesë dëshmorë. Forcat serbe nuk arrijnë të depërtojnë në Rrafshnaltë. (E diel 18 prill, 1999)

Herët në mëngjes jemi zgjuar në befasi nga breshëria tejet e akorduar dhe e gjith …